أقدر أعيد اختبار أرامكو لو ما نجحت؟

بقلم فارس الغامدي · آخر تحديث: 30 سبتمبر 2026

يعتمد على البرنامج. في التدرج تنص أرامكو على أنه «يحق للمتقدم إعادة الاختبار مرة واحدة فقط»، بشرط تستوفي شروط القبول للسنة الجديدة. أما الابتعاث فالتقديم عليه لطالب ثالث ثانوي أو حديث التخرج في السنة نفسها فقط، فعمليا ما فيه سنة ثانية تعيد فيها. وفي الابتعاث، لو ما انقبلت تقدر تقدم على التدرج إذا استوفيت شروطه.

ولهذا فإن الفرصة الأولى في الابتعاث ليست «تجربة». طالب ثالث ثانوي يدخل الاختبار ليرى مستواه أنفق فرصته الوحيدة على معلومة كان يقدر يعرفها من اختبار محاكاة قبلها بشهر.

كيف تشتغل الإعادة في التدرج؟

تقدم من جديد في فترة التسجيل، وتستوفي شروط القبول للسنة الجديدة، وتدخل اختبارات تحديد المستوى مرة ثانية. وأرامكو واضحة في الحد: «يسمح بالتقدم لاختبار الإعادة مرة واحدة فقط». يعني اللي دخل اختبار الإعادة قبل، ما يقدر يقدم له مرة ثانية.

دخلت اختبار الابتعاث وما انقبلت، هل التدرج يحسب لي إعادة؟

صفحة أرامكو للتدرج تقول إن من تقدم سابقا على التدرج أو الابتعاث ولم يقبل يقدر يقدم للعام الحالي «والخضوع لاختبار الإعادة»، وإن اختبار الإعادة مسموح مرة واحدة فقط. فتعامل مع اختبار التدرج بعد الابتعاث على أنه فرصة إعادتك الوحيدة، وادخله وأنت جاهز.

أقدر أعيد اختبار ابتعاث ارامكو السنة الجاية؟

عمليا لا. أرامكو تشترط أن تكون طالبا منتظما في الفصل الثاني من ثالث ثانوي، أو حديث التخرج في السنة الدراسية نفسها، وخريج السنة الماضية ما يقدر يقدم. البديل: التدرج لخريجي الثانوية إذا استوفيت شروطه.